Сустрэча Міністра культуры з калектывам Баранавіцкага дзяржаўнага музычнага каледжа
27 сакавіка 2024 года адбылася сустрэча Міністра культуры Рэспублікі Беларусь Маркевіча Анатоля Мечыслававіча з калектывам Баранавіцкага дзяржаўнага музычнага каледжа ў рамках Адзінага дня інфармавання на тэму: "Рэспубліка Беларусь: тэхналагічныя праекты будучыні".
Размова ішла аб развіцці атамнай энергетыкі, айчыннай касмічнай галіны, дасягненнях у галіне біятэхналогій, аб асваенні лядовага кантынента.
Анатоль Мечыслававіч адзначыў статус Беларусі на міжнароднай арэне як дзяржавы навукі і высокіх тэхналогій. У заключэнне падкрэсліў, што Рэспубліка Беларусь мае сур'ёзныя пункты росту, якія будуць вызначаць твар краіны ў бліжэйшыя дзесяцігоддзі.
Міністр культуры таксама падкрэсліў значнасць сферы культуры ў сацыяльна-эканамічным развіцці краіны і адзначыў, што дасягненні ў галіне залежаць ад асабістага ўкладу кожнага работніка.
У рамках мерапрыемства Міністр культуры паразмаўляў з навучэнцамі і выкладчыкамі, наведаў заняткі па вакале і інструментальнай музыцы цыклавой камісіі "Мастацтва эстрады", пагутарыў з адміністрацыяй па пытаннях перспектыў развіцця каледжа: выканання кантрольных лічбаў прыёму, заключэння дагавораў аб мэтавай падрыхтоўцы з арганізацыямі-заказчыкамі кадраў, прафарыентацыйнай рабоце, дасягненняў творчых калектываў і навучэнцаў.
Падчас гутаркі адбыўся жывы дыялог з удзельнікамі, быў зададзены шэраг пытанняў, якія хвалююць выкладчыкаў і канцэртмайстраў каледжа.
Пасля заканчэння сустрэчы Анатоль Мечыслававіч падзякаваў усім за актыўны ўдзел і пажадаў творчых поспехаў!