Міністэрства культуры Рэспублікі Беларусь

1 красавіка ў Кінацэнтры Нізамі адбылася цырымонія адкрыцця Дзён беларускага кіно, якая праводзіцца ў рамках Дзён культуры Беларусі ў Азербайджане.

У мерапрыемстве прынялі ўдзел культурныя і грамадскія дзеячы абедзвюх краін.

Архан Фікрэтаглу, выконваючы абавязкі дырэктара Агенцтва Кіно Азербайджанскай Рэспублікі, выступіў з прывітальнай прамовай, адзначыўшы Дні кіно - значнай культурнай падзеяй. Ён паведаміў, што 1-3 красавіка азербайджанскаму гледачу на мове кіно будзе прадстаўлена прэзентацыя старажытных славянскіх традыцый, мовы і культурных каштоўнасцяў Беларусі. РУП "Нацыянальная кінастудыя "Беларусьфільм" мае стогадовую традыцыю, і фільмы, знятыя на гэтай кінастудыі, заўсёды сустракалі з вялікай цікавасцю. Паводле слоў Архана Фікрэтаглу, плануецца прэзентаваць у адказ азербайджанскія фільмы ў Беларусі.

У сваім выступленні генеральны дырэктар РУП "Нацыянальная кінастудыя "Беларусьфільм" Юрый Мар'янавіч Аляксей падзяліўся ўражаннямі аб Днях кіно і паведаміў аб фільмах, якія будуць паказаны: "Мы прадставілі азербайджанскаму гледачу чатыры фільмы - два ігравыя і два дакументальныя. Мы хочам паказаць нашы карані, традыцыі і культуру праз кіно". Таксама разглядаецца пытанне ўзаемадзеяння з Азербайджанам у галіне кінаіндустрыі. У сувязі з гэтым вядуцца перагаворы паміж узначаленай ім установай і азербайджанскім бокам, а ў далейшым будзе падпісана пагадненне аб сумесным супрацоўніцтве.

Фільмам адкрыцця стала драма "Ліст чакання", прэм'ера якога адбылася ў 2023 годзе. Рэжысёр - Аляксандр Васільевіч Яфрэмаў.

Нагадаем, што ў рамках Дзён культуры, якія пройдуць у Баку з 1 па 4 красавіка, адбудуцца таксама выстава Нацыянальнага мастацкага музея, выстава беларускіх народных промыслаў і запланавана канцэртная праграма ў выкананні артыстаў оперы і эстрады, музычных і харэаграфічных калектываў.

З нецярпеннем чакаем прадаўжэння Дзён культуры Беларусі ў Азербайджане!!!