26 чэрвеня ў Лядовым палацы Бабруйска адбылося ўрачыстае адкрыццё міжнароднага фестывалю «Вянок дружбы»
30.06.2026
Прывітальны адрас удзельнікам і гасцям фестывалю накіраваў Міністр культуры Рэспублікі Беларусь Марат Маркаў.
Яго зачытала намеснік начальніка ўпраўлення культуры і народнай творчасці Міністэрства культуры Рэспублікі Беларусь Надзея Авдзей.
На сцэну ў нацыянальных касцюмах выйшлі ўдзельнікі фестывалю з розных краін: Азербайджана, Арменіі, Беларусі, Расіі, Індыі, Калумбіі. Усяго на гэты раз удзел у фестывалі прымаюць шэсць краін, 26 калектываў, каля 500 артыстаў.
Эфектным момантам свята стаў вялікі вянок, у які кожны з удзельнікаў і ганаровыя госці ўплялі сваю стужку. Вянок з'яўляецца сімвалам дружбы, яднання і згуртаванасці народаў.
