Фонд Прэзідэнта Рэспублікі Беларусь па падтрымцы культуры і мастацтва створаны Указам Прэзідэнта Рэспублікі Беларусь ад 15 красавіка 1998 г. № 211 «Аб фондзе Прэзідэнта Рэспублікі Беларусь па падтрымцы культуры і мастацтва» і дзейнічае на падставе Указа Прэзідэнта Рэспублікі Беларусь ад 13 снежня 2004 г. № 601 «Аб некаторых пытаннях дзейнасці фонду Прэзідэнта Рэспублікі Беларусь па падтрымцы культуры і мастацтва».
Мэтай фонду з'яўляецца стварэнне спрыяльных умоў для далейшага развіцця нацыянальнай культуры, пашырэнне творчых сувязяў беларускіх дзеячаў культуры з прадстаўнікамі культуры іншых краін, захаванне гістарычнай спадчыны і культурных традыцый беларускага народа, сацыяльная падтрымка творчай інтэлігенцыі.
Асноўныя напрамкі дзейнасці фонду звязаны з рэалізацыяй мер, накіраваных на правядзенне мерапрыемстваў па зберажэнні і прымнажэнні гісторыка-культурнай спадчыны; стварэннем твораў мастацтва; арганізацыяй і правядзеннем культурных мерапрыемстваў; стварэннем экспазіцый музеяў; стварэннем тэлевізійных і радыёпраграм, прысвечаных беларускай культуры, і іншымі мерамі.
Крытэрыямі адбору прапаноў для фінансавання за кошт сродкаў фонду з'яўляюцца:
высокая сацыяльна-культурная значнасць прапаноў для Рэспублікі Беларусь;
арыгінальнасць і наватарскі характар прапаноў;
накіраванасць прапаноў на захаванне, развіццё і папулярызацыю беларускай нацыянальнай культуры;
плануемыя вынікі рэалізацыі прапаноў, перспектывы іх выкарыстання ў культурнай дзейнасці, чаканы сацыяльны і (або) эканамічны эфект і іншыя.
Усе творчыя праекты і абгрунтаваныя прапановы па ахове гісторыка-культурнай спадчыны разглядаюцца саветам фонду на конкурснай аснове. Падтрымка творчых праектаў і абгрунтаваных прапаноў па ахове гісторыка-культурнай спадчыны ажыццяўляецца ў выглядзе поўнага ці частковага фінансавання.
Штогод фонд фінансуе 5-10 найбольш значных творчых праектаў дзяржаўных устаноў культуры і мастацтва, грамадскіх аб'яднанняў і іншых арганізацый рэспублікі.
Прыклад заяўкі на фiнансаванне культурнага праекта
Распараджэнне Прэзідэнта Рэспублікі Беларусь ад 5 чэрвеня 2020 г. № 104рп
Распараджэнне Прэзідэнта Рэспублікі Беларусь № 271рп ад 31.12.2018 «Аб заахвочванні»
Распараджэнне Прэзідэнта Рэспублікі Беларусь ад 31.05.2018 г. №113рп
Распараджэнне Прэзідэнта Рэспублікі Беларусь №109рп ад 04.07.2017
