Актуальнае

Рэкамендацыі для дзяржаўных арганізацый, упаўнаважаных на вядзенне дзяржаўнай статыстыкі, па падрыхтоўцы палітыкі распаўсюджвання афіцыйнай статыстычнай інфармацыі і календароў карыстальнікаў

У адпаведнасці з Законам Рэспублікі Беларусь ад 28 лістапада 2004 г. №345-З "Аб дзяржаўнай статыстыцы" (далей - Закон) адной з асноўных задач дзяржаўнай статыстыкі з'яўляецца задавальненне патрэбнасці грамадства, дзяржавы і міжнароднай супольнасці ў афіцыйнай статыстычнай інфармацыі. У працэсе рэалізацыі гэтай задачы органы дзяржаўнай статыстыкі, а таксама дзяржаўныя арганізацыі, упаўнаважаныя на вядзенне дзяржаўнай статыстыкі, кіруюцца заканадаўствам Рэспублікі Беларусь і агульнапрызнанымі міжнародным прынцыпам афіцыйнай статыстыкі (Асноватворнымі прынцыпамі афіцыйнай статыстыкі, адобранымі Генеральнай Асамблеяй Арганізацыі Аб'яднаных Нацый).

Законам устаноўлены абавязак дзяржаўных арганізацый, упаўнаважаных на вядзенне дзяржаўнай статыстыкі (далей - упаўнаважаная дзяржаўная арганізацыя), забяспечваць роўны доступ карыстальнікам да афіцыйнай статыстычнай інфармацыі і метадалогіі яе фарміравання. Прытрымліваючыся міжнародных рэкамендацый, для забеспячэння празрыстасці працэсу распаўсюджвання афіцыйнай статыстычнай інфармацыі карыстальнікам і даверу карыстальнікаў да афіцыйнай статыстычнай інфармацыі і метадалогіі яе фарміравання распрацоўваецца афіцыйны (іміджавы) дакумент - Палітыка распаўсюджвання афіцыйнай статыстычнай інфармацыі (далей - Палітыка).

Палітыка зацвярджаецца (падпісваецца) кіраўніком упаўнаважанай дзяржаўнай арганізацыі і размяшчаецца на афіцыйным сайце ў адпаведным тэматычным раздзеле.

У тэксце Палітыкі рэкамендуецца пазначыць наступныя прынцыпы дзяржаўнай статыстыкі і (або) раскрыць іх змест:

актуальнасць (афіцыйная статыстычная інфармацыя адпавядае патрэбам карыстальнікаў, праводзяцца кансультацыі з карыстальнікамі на прадмет актуальнасці і практычнай значнасці фарміруемай на дадзены момант афіцыйнай статыстычнай інфармацыі, а таксама вызначэння будучых патрэб карыстальнікаў; праводзіцца ацэнка задаволенасці карыстальнікаў);

своечасовасць (афіцыйная статыстычная інфармацыя распаўсюджваецца ва ўстаноўленыя тэрміны, на працягу якіх захоўваецца яе актуальнасць; перыядычнасць распаўсюджвання афіцыйнай статыстычнай інфармацыі адлюстроўвае патрэбнасці карыстальнікаў; карыстальнікам даступная інфармацыя (у выглядзе календара, які размяшчаецца на афіцыйным сайце); з улікам мэтазгоднасці дапускаецца распаўсюджванне папярэдніх дадзеных з абавязковай паметкай аб гэтым для карыстальнікаў);

аб'ектыўнасць (афіцыйная статыстычная інфармацыя фарміруецца бесстаронна, на аснове навуковых падыходаў да яе фарміравання і носіць аб'ектыўны характар; з улікам мэтазгоднасці ажыццяўляецца каменціраванне няправільнага выкарыстання або трактоўкі афіцыйнай статыстычнай інфармацыі);

даступнасць (афіцыйная статыстычная інфармацыя за выключэннем інфармацыі, распаўсюджванне і (або) прадастаўленне якой абмежавана, з'яўляецца агульнадаступнай; карыстальнікам гарантуецца права роўнага доступу да афіцыйнай статыстычнай інфармацыі і метадалогіі яе фарміравання; афіцыйная статыстычная інфармацыя, якая распаўсюджваецца карыстальнікам, суправаджаецца статыстычнымі метададзенымі, якія забяспечваюць яе правільную інтэрпрэтацыю, а пра істотныя змены ў афіцыйнай статыстычнай метадалогіі карыстальнікі інфармуюцца загадзя; у складзе афіцыйнай статыстычнай інфармацыі могуць распаўсюджвацца адміністрацыйныя дадзеныя, за выключэннем дадзеных, распаўсюд якіх абмежаваны;;

супастаўнасць (афіцыйная статыстычная інфармацыя характарызуецца ўнутранай узгодненасцю і паслядоўнасцю, супастаўная па часе; пры фармаванні афіцыйнай статыстычнай інфармацыі з розных крыніц выкарыстоўваюцца адзіныя стандарты, паняцці, тэрміны і іх азначэнні, класіфікацыі).

Акрамя таго, у тэксце Палітыкі рэкамендуецца прапісаць аб прыхільнасці да забеспячэння прыватнасці першасных статыстычных і індывідуальных адміністрацыйных дадзеных у працэсе распаўсюджвання афіцыйнай статыстычнай інфармацыі, а таксама аб магчымасці абмежавання распаўсюджвання афіцыйнай статыстычнай інфармацыі, якая фарміруецца ўпаўнаважанай арганізацыяй, у выпадку рызыкі прычынення шкоды нацыянальнай бяспецы Рэспублікі Беларусь, грамадскаму парадку, маральнасці, правам і законным інтарэсам юрыдычных і фізічных асоб.

***

З 20 лістапада пачынаюцца адборы да міжнародных конкурсаў у рамках XXXIV Міжнароднага фестывалю мастацтваў "Славянскі базар у Віцебску"

Яны працягнуцца да снежня і пройдуць ва ўсіх рэгіёнах краіны..