Аб правядзенні 2 этапу нацыянальнага адбору
21 студзеня 2025 г. на базе ДТВУ "Маладзёжны тэатр эстрады" (вул. Маскоўская, 18А) адбудзецца 2 этап адборачных тураў да ХXIII Міжнароднага дзіцячага музычнага конкурсу "Віцебск" і XXXIV Міжнароднага конкурсу выканаўцаў эстраднай песні "Віцебск" XXXIV Міжнароднага фестывалю мастацтваў "Славянскі базар у Віцебску" (у рэжыме жывога гуку ў суправаджэнні фанаграмы).
Графік правядзення праслухоўванняў:
21.01.2025 (аўторак) –
09.30 – 11.00 – рэгістрацыя ўдзельнікаў 2 этапа да дзіцячага музычнага конкурсу і лёсаванне;
11.00 – 14.30 – праслухоўванне ўдзельнікаў да дзіцячага музычнага конкурсу і падвядзенне вынікаў;
14.00 – 15.30 – рэгістрацыя ўдзельнікаў 2 этапу да конкурсу выканаўцаў эстраднай песні і лёсаванне;
15.30 – 19.00 – праслухоўванне ўдзельнікаў 2 этапу да конкурсу выканаўцаў эстраднай песні (дарослыя), падвядзенне вынікаў.
Для ўдакладнення арганізацыйных пытанняў просьба звяртацца ў канцэртны аддзел ДТВУ "Маладзёжны тэатр эстрады" (тэл. 319 19 49; 272 71 58; 358 45 66; e-mail: teatrestrady@mail.ru).
Па выніках 2 этапу рашэннем экспертнай групы, склад якой зацвярджаецца Міністэрствам культуры, будзе вызначана па 10 удзельнікаў да дзіцячага музычнага конкурсу і да конкурсу выканаўцаў эстраднай песні для ўдзелу ў фінале нацыянальнага адбору.
Фінал нацыянальнага адбору да міжнародных конкурсаў плануецца 15 сакавіка 2025 г. у культурнай сталіцы Беларусі г. Іванава (Брэсцкая вобл.).
З Інструкцыяй аб правядзенні адборачных тураў да Міжнароднага конкурсу выканаўцаў эстраднай песні "Віцебск" і Міжнароднага дзіцячага музычнага конкурсу "Віцебск" можна азнаёміцца на сайце Міністэрства культуры (http://www.kultura.by/by/konkursy-merapryemstvy/).
